ხელისუფლების წარმომადგენლებმა, მოცვის ბაღების გაშენების პროცესი დაათვალიერეს

საქართველოს მთავრობის ანტიკრიზისული გეგმა, რომელიც სოფელსა და ფერმერებზე ზრუნვას ითვალისწინებს, ხელისუფლების წარმომადგენლებმა ადგილობრივ ფერმერებს გააცნეს.

ზესტაფონის მერმა, გიორგი გოგლიჩიძემ, საკრებულოს თავმჯდომარემ, ვახტანგ ღამბაშიძემ, მაჟორიტარმა დეპუტატმა, შალვა კიკნაველიძემ, სოფლისა და სოფლის მეურნეობის განვითარების სააგენტოს იმერეთის რეგიონული სამსახურის უფროსთან, დავით ჯინორიძესთან ერთად, ხოხოულას დასახლებაში, სახელმწიფო პროგრამის – ” დანერგე მომავლის” ფარგლებში გაშენებული კაკლისა და ქლიავის ბაღები დაათვალიერეს და ფერმერებს, მთავრობის ახალი ინიციატივების შესახებ მიაწოდეს ინფორმაცია.

ხელისუფლების წარმომადგენლებმა, მოცვის ბაღების გაშენების პროცესიც დაათვალიერეს სოფელ ბოსლევში და კენკროვანი კულტურების დარგვაში, ფერმერებთან ერთად მიიღეს მონაწილეობა.

სახელმწიფო მხარდაჭერის შედეგად, ფერმერები პირდაპირი დახმარების გზით 1 ჰექტარ დარეგისტრირებულ მიწის ფართობზე 850 დან – 1700 ლარამდე სარგებელს მიიღებენ. სახელმწიფო მხარდაჭერით სარგებლობა ფერმერებს 2020 წლის 20 მაისიდან შეეძლებათ.