ბრაზილიაში ბოლო 24 საათში კორონავირუსით 751 ადამიანი დაიღუპა

ბრაზილიაში ბოლო 24 საათის განმავლობაში კორონავირუსით 751 ადამიანი გარდაიცვალა და დაღუპულთა საერთო რაოდენობა 10 000-ს მიუახლოვდა, რაც ქვეყნისთვის რეკორდული მაჩვებელია. მედიის ინფორმაციით, ქვეყანაში ბოლო დღე-ღამის განმავლობაში კორონავირუსის 10 222 შემთხვევა დადასტურდა და დაინფიცირებულთა რიცხვი 145 000-მდე გაიზარდა. შეგახსენებთ, ბრაზილიის პრეზიდენტი ჟაირ ბოლსონარო კორონავირუსის პრევენციის მიზნით ბიზნესზე შეზღუდვების დაწესებისა და მკაცრი ზომების შემოღების წინააღმდეგია, ვინაიდან, მისი აზრით, ეს ქვეყნის ეკონომიკას ძალიან დააზარალებს. ის დაავადებას „უბრალო გრიპს“ უწოდებს და კორონავირუსის გარშემო შექმნილ „ისტერიას“ ეჭვის თვალით უყურებს.