რუსეთში, ბოლო 24 საათში, კორონავირუსით ინფიცირების 10 817 ახალი შემთხვევა გამოვლინდა, 104 ადამიანი გარდაიცვალა

უკვე მეშვიდე დღეა რუსეთში გამოვლენილი კორონავირუსის დღიური შემთხვევები 10 000-ს აჭარბებს, კერძოდ, ბოლო 24 საათის მანძილზე ქვეყანაში ვირუსის 10 817 ახალი შემთხვევა გამოვლინდა და მთლიანობაში ინფიცირებულთა რაოდენობამ 198 676-ს მიაღწია.

ამასთან, ბოლო 24 საათის განმავლობაში, რუსეთში კორონავირუსით 104 ადამიანი დაიღუპა და საერთო ჯამში დაღუპულთა რაოდენობამ 1 827 შეადგინა.

ამ დროისთვის, ქვეყანაში გამოჯანმრთელებულია 31 916 ადამიანი, ხოლო აქტიური შემთხვევების რაოდენობა 164 933-ს შეადგენს.