აფხაზეთიდან ქუთაისში გადმოყვანილ 43 წლის ორსულ ქალს კორონავირუსი არ აღმოაჩნდა
ფხაზეთიდან “კლინიკა ბომონდი”-ს ცხელების ცენტრში გადმოყვანილ ორსულ ქალბატონს კორონავირუსი არ დაუდგინდა.
43 წლის ქალბატონი კლინიკაში სასწრაფო დახმარების ბრიგადამ გუშინ, საღამოს საათებში შემოიყვანა. ქალბატონი დაახლოებით 33-34 კვირის ორსულია. სამედიცინო დაწესებულებაში შემოყვანის მომენტში მას მაღალი არტერიული წნევა და სისუსტე აღენიშნებოდა.
“მოხდა წნევის დასტაბილურება. ჩატარდა კლინიკო-ლაბორატორიული კვლევები და ქალი მოთავსდა ორსულთა პათოლოგიის განყოფილებაში შემდგომი მკურნალობის მიზნით. მიმდინარეობს დინამიური მეთვალყურეობა ორსულსა და ნაყოფზე. გაურკვეველი ეპიდანამნეზის გამო, პაციენტს ჩაუტარდა სწრაფი ტესტი და შედეგი უარყოფითია,”-აცხადებს კლინიკის ხელმძღვანელი მამუკა მიქაძე.
ამ დროისთვის “კლინიკა ბომონდი”-ს ცხელების ცენტრში ორი საეჭვო პაციენტის ლაბორატორიული კვლევის შედეგებს ელოდებიან.
