მეორე მსოფლიო ომის დასრულებიდან 75 წელი გავიდა

9 მაისი ფაშიზმზე გამარჯვების დღეა. 1945 წლის 8 მაისს ვერმახტის კაპიტულაციის შემდეგ, მეორე მსოფლიო ომი დასრულდა, 9 მაისი კი ფაშიზმზე გამარჯვების დღედ გამოცხადდა.

მეორე მსოფლიო ომში ხარაგაულიდან 5 706 ჯარისკაცი იბრძოდა, მათგან 2 704 შინ ვეღარ დაბრუნდა.

მეორე მსოფლიო ომში განსაკუთრებული გმირობისთვის საბჭოთა კავშირის გმირის წოდება ექვს ხარაგაულელს მიენიჭა: დავით ბაქრაძეს, გრიგოლ ბუაჩიძეს, ვლადიმერ ლურსმანაშვილს, გიორგი ინასარიძეს, ვახტანგ ლეჟავასა და შოთა გამცემლიძეს.

დღეს, 9 მაისის დღესასწაულთან დაკავშირებით, მეორე მსოფლიო ომის ექვს ვეტერანს- ვერა არევაძეს (ვახანი), იური ბუაჩიძეს (ფარცხნალი), გრიგოლ გელაშვილს (ნადაბური), პეტრე ჩიკვაიძეს (საბე), ეკატერინე წიქარიშვილს (ლაშე), დიმიტრი (მიტუშა) ხეცაძეს (კიცხი), ხარაგაულის ადგილობრივი ბიუჯეტიდან ერთჯერადად 200 ლარი გადაეცათ.

ხარაგაულში ფაშიზმზე გამარჯვების 75-ე წლისთავი პანდემიის გამო, მსოფლიოში შექმნილი მდგომარეობიდან გამომდინარე საზეიმოდ ვერ აღინიშნა.