თელავის აგრარული ბაზარი ისევ დაიკეტა

თელავის აგრარული ბაზარი ისევ დაიკეტა,მიზეზი ჰიგიენური ნორმების დარღვევაა.
სურსათის ეროვნულმა სააგენტომ ბაზრის ადმინისტრაცია 3 ათასი ლარით დააჯარიმა.
ბაზრის დაკეტვამ მოვაჭრეთა პროტესტი გამოიწვია. “ამდენი ხორცი, ბოსტნეული და ხილი მოვიმარაგეთ. ვიცოდით, დღეიდან მუშაობა შეგვეძლო. 2000 ლარის ხორცი მაქვს მაცივარში, სად წავიღო? ვინ ამინაზღაურებს? არც ვიცით, როდემდე დაიკეტა. ვიცავდით წესებს და რეკომენდაციებს, თუმცა, როგორც ჩანს, ესენი დაგვცინიან”, – განაცხადა ერთ-ერთმა მოვაჭრემ.
თელავის მერი შოთა ნარეკლიშვილი ამბობს, რომ მოვაჭრეებს დღის ბოლომდე ექნებათ პროდუქციის გაყიდვის შესაძლებლობა, რის შემდეგაც ბაზარი დაიკეტება.