პედიატრის რჩევა მშობლებს

პედიატრი თემურ მიქელაძე მშობლებს რჩევას აძლევს იმისათვის, რომ ბავშვებმა ნაკლები დრო გაატარონ სახლში, რათა ისინი არ აღმოჩნდნენ პრობლემის წინაშე, როგორიც არის ეკრანდამოკიდებულება,რაც ძალიან საზიანოა ბავშვის ჯანმრთელობისთვის..

ერთადერთი ყველაზე კარგი რეკომენდაცია ვაქცინაა. სანამ ვაქცინა იქნება და მას მსოფლიო შეიმუშავებს, მანამდე აუცილებელია იმ რეკომენდაციების დაცვა, რასაც დაავადებათა კონტროლის ეროვნული ცენტრი გვთავაზობს. პირველ რიგში, ეს არის ჰიგიენური ნორმების დაცვა, სოციალური დისტანცირება და სამწუხაროდ, სახლში დარჩენა. თუმცა, სახლში დარჩენა არცთუ ისე მარტივია, ამაში ყოველდღიურად ვრწმუნდებით. განსაკუთრებით ძნელია ბავშვების სახლში გაჩერება.

ჩვენი ერთადერთი რეკომენდაციაა, რომ დღევანდელი ეპიდემიოლოგიური სიტუაციიდან გამომდინარე, შეგვიძლია ბავშვები ეზოში, სხვადასხვა რეკრეაციულ სივრცეებში გავიყვანოთ, ოღონდ მოზრდილის მეთვალყურეობა აუცილებელია. თუ პასუხისმგებლობას იღებთ და ბავშვი ეზოში ჩაგყავთ, აუცილებლად თავად გაჰყვეთ მას. სასურველია, რომ ეზოები განსაკუთრებით მოწესრიგებული იყოს“,-განაცხადა მიქელაძემ.