საზეიმო კონცერტი და 18 წარმატებული მეტალურგის დაჯილდოების ცერემონია ფშქ-ში
ზესტაფონის ფეროშენადნობთა ქარხანაში მეტალურგის დღის აღსანიშნავი საზეიმო პროგრამა 2 დღის განმავლობაში მიმდინარეობდა, რომელიც სხვადასხვა სახის რამდენიმე აქტივობას აერთიანებდა. მოეწყო საბავშვო-გასართობი ღონისძიება, ფინალური შეხვედრები სპორტის სხვადასხვა სახეობებში და გამარჯვებულთა დაჯილდოება, ჩატარდა გარემოსდაცვითი აქცია ,,გაამწვანე მომავალი”, რომლის ფარგლებშიც რამდენიმე თვის განმავლობაში ზესტაფონის მუნიციპალიტეტის მასშტაბით 25 ათასი ძირი იფნისა და აკაციის ნერგი დაირგვება.
მეტალურგის დღეს გაიხსნა ასევე ახალი სასაწონე მეურნეობა , ყვავილების გვირგვინით შეამკეს ქართული მეტალურგიის ფუძემდებლის გიორგი ნიკოლაძის მემორიალი, რომლის სახელიც მინიჭებული აქვს ფშქ-ს. პროგრამა საზეიმო კონცერტით, 18 წარმატებული მეტალურგის დაჯილდოების ცერემონიალითა და სადღესასწაულო ფოიერვერკით დასრულდა.
მეტალურგის დღე 5 წლის წინ დაწესდა.ინიციატორებმა ამ თარიღის აღნიშვნა საწარმოში პირველი შენადნობის გამოშვების დღეს დაამთხვიეს.
