ფულადი დახმარება სოციალურად დაუცველ ოჯახებს

სოცალურად დაუცველები 6 თვით დამატებით საშუალოდ 600 ლარის დახმარებას მიიღებენ, – განაცხადა პრემიერ-მინისტრმა გიორგი გახარიამ მთავრობის ანტიკრიზისული ეკონომიკური გეგმის პრეზენტაციაზე.

დახმარება, მისი თქმით, შემდეგნაირად გადანაწილდება – ოჯახები, რომელთა სოციალური სარეიტინგო ქულა 65 000-დან 100 000-მდეა, ოჯახები, რომელთა სოციალური სარეიტინგო ქულა 0-იდან 100 000-მდეა და ჰყავთ 3 და მეტი – 16 წლამდე ასაკის შვილი, მკვეთრად გამოხატული შეზღუდული შესაძლებლობის მქონე პირები და შეზღუდული შესაძლებლობის მქონე ბავშვები მიიღებენ საშუალოდ 600 ლარს.

პრემიერ-მინისტრის განცხადებით, საქართველოში ასეთი 40 000 მოქალაქეა. მათთვის ამგვარი ფინანსური დახმარების გასაწევად გათვალისწინებულია 25 მილიონი ლარი.

საქართველოს მთავრობა წარმოადგენს კორონავირუს COVID-19-ის პანდემიის პირობებში, ეკონომიკური ანტიკრიზისული გეგმის შემდეგი ეტაპით გათვალისწინებულ ზომებს.